काठमाडौं – आज प्रधानमन्त्री समेत रहेका नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली तथा नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता हुँदैछ।
पछिल्लो समय अमेरिकी सहयोगसम्बन्धी सम्झौता मिलेनियम च्यालेन्ज कम्प्याक्ट (एमसीसी)को बारेमा निकै बहस भइरहेको बेला तीन नेताहरुबीच छलफल हुन लागेको बताइएको छ। प्रधानमन्त्री निवास बालुवाटारमा आइतबार दिउँसो ४ बजे तीन नेताबीच भेटवार्ता हुने प्रधानमन्त्रीको सचिवालयले जनाएको छ।
प्रधानमन्त्री देउवा र प्रचण्डले हस्ताक्षर गरेर एमसीसी पास गर्न पहल गर्ने पत्र सार्वजनिक भएपछि यसबारेमा अझै चर्चा हुन थालेको छ।