चलचित्र पशुपति प्रसादको तेस्रो श्रृंखला निर्माण हुने भएको छ ।शुक्रवार पशुपति प्रसाद २ भष्मे डन चलचित्र चौथो हप्तामा प्रवेश गरेको अवसरमा आयोजित कार्यक्रममा यसबारेमा जानकारी गराइएको हो । चलचित्रका निर्माता एवं अभिनेता खगेन्द्र लामिछानेले यसबारेमा जानकारी गराउनु भयो । उहाँले सिनेमा हलमा दर्शकहरुले तेस्रो श्रृंखला कहिले ल्याउने भन्ने प्रश्न गरेकाले यत्तिको लामो समय नलगाउने तर चलचित्र निर्माण हुने घोषणा गर्नुभयो । चलचित्रप्रति आफूहरु खुशी भएको बताउनु भयो । त्यस्तै निर्देशक दीपेन्द्र के खनालले अपेक्षा गरेअनुसार पशुपतिप्रसाद जस्तो पशुपतिप्रसाद २ नभएको बताउनु भयो । उहाँले पशुपतिप्रसादमा भन्दा कम मात्रै दर्शकले रुचाएको पाएको बताउनु भयो । उहाँले दर्शकलाई नढाँटीकन आफूहरुले काम गरेको बताउनु भयो । उहाँले ७० प्रतिशत दर्शकले तेस्रो श्रृंखला खोजेको बताउनु भयो ।
पशुपति प्रसाद २ भष्मे डन चौथो हप्तामा प्रवेश गरेको अवसरमा निर्माण टिमले केक काटेर खुशीयाली मनाएको थियो ।