काठमाडौं – नेपालमा पछिल्लो २४ घन्टामा थप १५५ जना कोरोना संक्रमित थपिएका छन् । देशभरका विभिन्न प्रयोगशालामा ५१५२ जनाको नमुना परीक्षण गरिएकोमा १५५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
सोही अवधिमा थप २ संक्रमितले ज्यान गुमाएका छन् । यससँगै नेपालमा कोरोनाबाट ज्यान गुमाउनेको संख्या ११ हजार ९३४ पुगेको छ । यस्तै पछिल्लो २४ घन्टामा ५४० जना संक्रमणमुक्त भएका छन् ।
हाल मुलुकमा सक्रिय संक्रमितको संख्या ८ हजार ८३९ रहेको छ ।