काठमाडौं । उपप्रधानमन्त्री एवं अर्थमन्त्री विष्णु पौडेलले अब अर्थतन्त्र चलायमान हुने दाबी गर्नुभएको छ ।
संसद भवन परिसरमा सञ्चारकर्मीहरुसँग कुरा गर्दै उहाँले सबैको साथ भए अर्थतन्त्र चलायमान बन्ने बताउनुभएको हो । उहाँले बजेटले शुरु भएका कामहरु सम्पन्न गर्ने कुरामा जोड दिएको बताउनु भयो ।
कार्यान्वयनका सन्दर्भमा जहिले पनि चुनौतिपूर्ण हुने भन्दै चुनौति पन्छाउँदै कार्यान्वयन हुनसक्ने गरी नै बजेट प्रश्तुत गरिएको बतउनु भयो । बजेट निजी क्षेत्रको मनोबल, आत्मविश्वास गर्ने, लगानी वृद्धि गर्ने सबै दृष्टिकोणले अनुकुल रहेको बताउनु भयो ।
उहाँले भन्नुभयो, ‘बजेटले शुरु भएका कामहरु सम्पन्न गर्ने कुरामा फोकस छ । कार्यान्वयनका सन्दर्भमा जहिले पनि चुनौतिपूर्ण हुन्छन् । तर चुनौति पन्छाउँदै कार्यान्वयन हुनसक्ने गरी नै बजेट प्रश्तुत गरेको छु ।
यो बजेट कार्यान्वयनका दृष्टिकोणले प्रभावकारी ढंगले कार्यान्वयन हुन्छ । यो बजेट निजी क्षेत्रको मनोबल, आत्मविश्वास गर्ने, लगानी वृद्धि गर्ने सबै दृष्टिकोणले अनुकुल छ ।’
उपप्रधानमन्त्री पौडेलले बजेट यथार्थपरक रहेको बताउनु भयो । —न्युज एजेन्सी नेपाल