काठमाडौ – ज्योति बिकास बैकले शम्सेरगंज स्वास्थ्य चौकी र पशुपति भण्डारेश्वर धार्मिक सेवा समितिलाई डेलिभरी बेड र ग्यास गिजर प्रदान गरेको छ ।
बैंकले संस्थागत सामाजिक उत्तरदायित्वको निम्ति स्थापित ‘हाम्रो विकास प्रवद्र्धन कोष’ मार्फत कोहलपुर नगरपालिका वडा नं.१५, बाँके स्थित शम्सेरगंज स्वास्थ्य चौकीको बर्थिङ सेन्टरलाई डेलिभरी बेड र भण्डारेश्वर धार्मिक सेवा समितिमा रहेको कृयापुत्री भवनलाई ग्याँस गिजरहरू हस्तान्तरण गरेको हो ।
बैंकका कोहलपुर क्षेत्रीय प्रमुख कपिल न्यौपाने, कोहलपुर शाखा प्रबन्धक रेकम बहादुर के.सीद्वारा कोहलपुर नगरपालिका वडा नं.१५–बाँकेका वडा अध्यक्ष तथा स्वास्थ्य चौकी व्यवस्थापन समितिका अध्यक्ष पतिराम थारुको उपस्थितिमा जनस्वास्थ्य निरीक्षक तथा स्वास्थ्य चौकी प्रमुख लिलाधर बुढाथोकीलाई डेलिभरी बेड औपचारिक रुपमा हस्तान्तरण गरिएको थियो ।
यसका साथै बैंकले काठमाडौं स्थित धार्मिक सेवा समितिको कृयापुत्री भवनलाई ग्याँस गिजरहरू हस्तान्तरण गरेको हो । बैंकका नायब महाप्रबन्धक सुशील कुमार शर्मा,काठमाडौं क्षेत्रका क्षेत्रीय प्रमुख दिलिप राज बराल र बैंककी रातोपुल शाखा प्रबन्धक प्रज्ञा कंडेलले संयुक्त रुपमा समितिलाई ग्याँस गिजरहरू हस्तान्तरण गरेका हुन ।
नेपाली समाजमा स्थानीय तहमा सुषुप्तरुपमा रहेका सम्भावनाहरुको पहिचान गरी त्यस्ता सम्भावनालाई उजागर गर्नको लागि सहयोगी बन्ने मूल उद्देश्यबाट निर्देशित कोष मार्फत बैंकले विभिन्न सामाजिक संस्था तथा नागरिकसँग प्रत्यक्ष रुपमा जोडिएर सामाजिक उत्तरदायित्व सम्बन्धि कार्यहरु गर्दै आइरहेको पनि विज्ञप्तिमा उल्लेख छ ।