सिन्धुली । दुधाैली नगरपालिकाका प्रमुख दिनेश अधिकारीका बारे भ्रामक कुरा फैलाइएकाे भन्दै नगर प्रमुखको सचिवालयले खण्डन गरेको छ ।
केही सञ्चार माध्यम र सामाजिक सञ्जालमा नगर प्रमुख अधिकारी र प्रमुख प्रशासकीय अधिकृत बिच द्वन्द बढेका कारण नगरपालिका प्रमुख प्रशासकीय अधिकृत बिहिन हुन पुगेको लगायतका समाचार सम्प्रेषण भएपछि प्रमुखकाे सचिवालयले साे समाचार तथ्यहिन र भ्रामक भएको बताएको हो । प्रेस विज्ञप्ति जारी गर्दै सचिवालयले सामाजिक सञ्जालमा आएका समाचारहरु आधारहिन भएको स्पष्ट पारेको छ ।
सचिवालयले नगर कार्यपालिकाकाे आन्तरिक गाेपनियता र पदीय मर्यादामा समेत आँच आउने भ्रामक समाचार सम्प्रेषण गरिएको भन्दै उक्त समाचार खारेज गर्ने जनाएको छ । नगरपालिकाले २०७८ सालमा गरेका विभिन्न कामहरूलाई समेत विगतको नेतृत्वले गरेकाे भनेर आराेप लगाइनुले नियाेजित रुपमा नगरपालिकामाथि आक्षेप लगाइएको विज्ञप्तिमा उल्लेख गरिएको छ ।
दुधाैली नगरपालिका शिक्षा, स्वास्थ्य र कृषि क्षेत्रमा परिवर्तनका लागि याेजनावद्द रुपमा प्रतिवद्द भएर लागेकाे पनि स्पष्ट पारिएकाे छ । विगतका बेथितिहरुलाई न्यूनिकरण गर्दै नगरपालिका थिति, विधि र पद्धतिका साथ अघि बढेको विज्ञप्तिमा जनाइएको छ । नगरपालिकाले सामाजिक सञ्जालमा गरिएको हल्लाहरुकाे पछि नलागी रचनात्मक काममा सहयोग गर्न पनि नगरबासीलाई आग्रह गरेको छ ।