काठमाडौं -नुवाकोटको बेलकोटगढी १ मा अध्यक्षका उम्मेदवार रहेका बद्रीप्रसाद ढुंगानाले आफूलाई नियोजित रुपमा फसाउन खोजिएको बताएका छन् ।
नेकपा माओवादी केन्द्रबाट वडाध्यक्षका उम्मेदवार रहेका उनले आफूलाई केही व्यक्तिहरुले राजनीतिक प्रतिशोध साध्नको लागि तारो बनाएको बताए । केही दिन अघि मात्र बेलकोटगढी १ का निवर्तमान वडा अध्यक्ष सुब्बा तामाङले २० मत लिन २ लाख रुपैयाँ उपलब्ध गराउने भनेको श्रव्य सामग्री सार्वजनिक भएको थियो ।
उम्मेदवार रहेका ढुंगानाले आफू राजनीतिक रुपमा स्वच्छ छवि भएको व्यक्ति रहेको समेत बताए । उनले आफ्नो जोडेर आएका समाचारमा पनि आपत्ति प्रकट जनाए ।