मेयर कपको उपाधि सिद्धिङवा गाउँपालिकालाई

सिदिङवा गाउँपालिकाले २५–१९ , २५–२२, २५–२० को स्कोरमा जित निकालेको हो । उपाधिसँगै सिदिङवा गाउँपालिकालाई दुई लाख ५० हजार रुपैयाँ प्राप्त गर्नुका साथै मेडल प्रमाण पत्र र कपसमेत प्राप्त गरेका छन् ।

त्यस्तै उपविजेता सिरिजंगा गाउँपालिकाले एक लाख २५ हजार रुपैयाँ साथै मेडल प्रमाण पत्र र कप प्राप्त गरेको छ । तृतीय हुने फक्ताङलुङ गाउँपालिकाले ४० हजार रुपैयाँ साथै मेडल प्रमाण पत्र र कप प्राप्त गरेको छ ।

स्थानीय स्तरमा खेलाडी उत्पादन गर्ने उद्देश्यले फुङ्लिङ नगरपालिकाले २०७५ साल देखि वडा स्तरमा गरिएको मेयर कप भलिबल  प्रतियोगिताको सुरुवात गरेको हो । २०७६ देखि स्तर वृद्धि गरी अन्तर पालिका स्तरीय रूपमा सञ्चालन गर्न थालेको फुङ्लिङ नगरपालिकाले जनाएको छ ।

ताप्लेजुङको नौं स्थानीय तह रहेकोमा सबै स्थानीय तहहरूले उत्साह जनक खेलमा सहभागिता जनाएको फुङ्लिङ नगरपालिकाको मेयर छत्रपति प्याकुरेलले बताए ।

न्युज कारखाना