काठमाडौं । सौन्दर्य तथा छालाको हेरचाहसम्बन्धी विभिन्न सामग्री एउटै स्थानबाट उपलब्ध गराउने उद्देश्यले ‘आई ब्युटी’ले आफ्नो सेवा विस्तार गरेको छ ।
ग्राहकले आफ्नो आवश्यकता र बजेटअनुसार विभिन्न ब्रान्डका सौन्दर्य सामग्री सहज रूपमा छनोट गर्न सक्ने अवधारणासहित आई ब्युटी सञ्चालनमा ल्याइएको कम्पनीले जनाएको छ ।
हाल आई ब्युटीमा लास्या, सिल्कन र टेनजिरो गरी तीनवटा एक्सक्लुसिभ ब्रान्ड उपलब्ध छन् । लास्या इटलीसँग सम्बन्धित सौन्दर्य ब्रान्ड हो । कम्पनीका अनुसार लास्याका सामग्री इटलीमा उत्पादन भएर नेपाल आउने र नेपालमै प्याकेजिङ तथा रिफिलिङ गरिन्छ । यो ब्रान्ड सन् २०१७ देखि नेपाली बजारमा उपलब्ध हुँदै आएको छ ।
त्यस्तै, सिल्कन कोरियाली सौन्दर्य ब्रान्ड हो । सन् २०१३ देखि नेपाली बजारमा उपलब्ध सिल्कनका सामग्री कोरियाली प्रविधि तथा अवधारणामा आधारित छन् । यसको प्याकेजिङ र रिफिलिङ भने नेपालमै गरिँदै आएको कम्पनीले जनाएको छ ।
नेपालमै प्याकेजिङ तथा रिफिलिङ हुने भएकाले अन्तर्राष्ट्रिय गुणस्तर र ब्रान्डको अवधारणा कायम राख्दै नेपाली उपभोक्ताको क्रयशक्ति तथा बजेटलाई ध्यानमा राखेर तुलनात्मक रूपमा पहुँचयोग्य मूल्यमा सामग्री उपलब्ध गराउन सहज भएको आई ब्युटीको भनाइ छ ।
आई ब्युटीले सन् २०२६ मा टेनजिरोलाई नेपालमा सार्वजनिक गरेको हो । ‘मेड इन कोरिया’का रूपमा प्रस्तुत गरिएको टेनजिरो आई ब्युटीको एक्सक्लुसिभ ब्रान्डका रूपमा उपलब्ध छ ।
नेपाली बजारमा ब्रान्डप्रतिको धारणा र उपभोक्ताको आवश्यकता फरक हुने भएकाले ग्राहकलाई आफ्नो आवश्यकता र बजेटअनुसार सामग्री छनोट गर्न सहज वातावरण बनाउने उद्देश्य रहेको आई ब्युटीले जनाएको छ ।
‘एभ्रिथिङ यु निड, अन्डर वन रूफ’ अवधारणासहित सञ्चालनमा आएको आई ब्युटीका हाल केएल टावरको दोस्रो तल्ला, धुम्बाराही पिपलबोट र सिटी स्क्वायर सामाखुसीमा गरी तीनवटा शाखा छन् ।
कम्पनीले आई ब्युटीलाई सामान्य कस्मेटिक पसलका रूपमा मात्र नभई विभिन्न ब्रान्ड, उत्पादनको विविधता, सुविधा र पहुँचयोग्य मूल्यलाई एउटै स्थानमा जोड्ने प्रयासका रूपमा अघि बढाएको जनाएको छ ।